ანონსი

რეგისტრაციისათვის საჭიროა:

(განაცხადში მოთხოვნილი ორი საოპერო არიის ჩანაწერი უნდა იყოს მაღალი ხარისხის, სადაც მომღერალი სრული და ახლო რაკურსით ჩანს. გაითვალისწინეთ, არ მიიღება “Wetransfer” პლატფორმის ბმულები)

კონკურსზე რეგისტრაცია წარიმართება სამ ეტაპად:

I ეტაპი – აპლიკანტმა უნდა შეავსოს განაცხადის ფორმა და დაურთოს მას 2 საოპერო არიის ვიდეოჩანაწერი (ცალკე ფაილად ან Youtube ბმულის ფორმატში) (თანხლებით ან ა’ კაპელა), ერთი კვირის განმავლობაში აპლიკანტს განაცხადში მითითებულ ელ-ფოსტაზე გაეგზავნება პასუხი კონკურსზე დაშვება/არდაშვების შესახებ; 

II ეტაპი – აპლიკანტმა უნდა გამოაგზავნოს პირადობის დამადასტურებელი მოწმობის ასლი ან პასპორტის ასლი, საკონკუნკურსო შენატანის დაფარვის დამადასტურებელ ქვითართან ერთად – 150 ლარი (~ 55 ა.შ.შ. დოლარი);

შენიშვნა: კონკურსის „ოპერის ოქროს ხმა“ ლაურეატები, სოციალურად დაუცველი და დევნილის სტატუსის მქონე პირები თავისუფლდებიან გადასახადისგან შესაბამისი დოკუმენტის წარმოდგენის შემთხვევაში.

III ეტაპი – რეგისტრაცია ადგილზე, ქალაქ ბათუმში, 4-5 ოქტომბერს წარიმართება – ზ. ფალიაშვილის სახელობის სამუსიკო სკოლის ფოიეში, რეგისტრაციის პარალელურად დოლურადან დანომრილი კოჭის ამოღებით, კონკურსანტს ეცნობება I ტურში საკუთარი გამოსვლის რიგითი ნომერი (ამასთან, საჭიროების შემთხვევაში, გადანაწილებულ იქნება წინასწარ განსაზღვრულ მორიგე კონცერტმაისტერთან სამუშაოდ).

კონკურს-ფესტივალის ძირითადი და ტრადიციული ლოკაციებია: ბათუმის საზაფხულო თეატრი, ზ. ფალიაშვილის სახელობის სამუსიკო სკოლა და ბათუმის ილია ჭავჭავაძის სახელობის პროფესიული სახელმწიფო დრამატული თეატრი.

კონკურსი ტრადიციულად წარიმართება სამ ტურად (I-II ტური შესარჩევი, III – ფინალური, სიმფონიური ორკესტრის თანხლებით).

საკონკურსო განაცხადში შესატანი სავალდებულო პროგრამა მოიცავს თითო ტურისათვის 2-2 არიას (სხვადასხვა ეპოქისა და სტილის, კომპოზიტორთა ნუსხის შესაბამისად: https://rhapsodyfest.ge/programa/?lang=ge-ge)

შენიშვნა: მესამე, ფინალურ ტურში ერთი არია მეორდება წინა ტურებიდან.

კონკურსის საპრიზო ფონდი:

I პრემია – 10 000 ევრო 

II პრემია – 5 000 ევრო 

III პრემია – 3 000 ევრო