ანონსი

რეგისტრაციისათვის საჭიროა:

(განაცხადში მოთხოვნილი ორი საოპერო არიის ჩანაწერი უნდა იყოს მაღალი ხარისხის, სადაც მომღერალი სრული და ახლო რაკურსით ჩანს. გაითვალისწინეთ, არ მიიღება “Wetransfer” პლატფორმის ბმულები)

კონკურსზე რეგისტრაცია წარიმართება სამ ეტაპად:

I ეტაპი – აპლიკანტმა უნდა შეავსოს განაცხადის ფორმა და დაურთოს მას 2 საოპერო არიის ვიდეოჩანაწერი (ცალკე ფაილად ან Youtube ბმულის ფორმატში) (თანხლებით ან ა’ კაპელა), აპლიკანტს განაცხადში მითითებულ ელ-ფოსტაზე გაეგზავნება პასუხი კონკურსზე დაშვება/არდაშვების შესახებ;

II ეტაპი – კონკურსზე დაშვებულმა აპლიკანტებმა უნდა გამოაგზავნონ საკონკურსო შენატანის დაფარვის დამადასტურებელი ქვითარი (საქართველოს მოქალაქეებისათვის 150 ლარი, არარეზიდენტებისათვის 60 ევრო), პასპორტის ან პირადობის დამადასტურებელი დოკუმენტი (10 აგვისტომდე);

შენიშვნა: კონკურსის „ოპერის ოქროს ხმა“ ლაურეატები, სოციალურად დაუცველი და დევნილის სტატუსის მქონე პირები თავისუფლდებიან გადასახადისგან შესაბამისი დოკუმენტის წარმოდგენის შემთხვევაში.

III ეტაპი – რეგისტრაცია ადგილზე, ქალაქ ბათუმში, 4-5 სექტემბერს წარიმართება – ზ. ფალიაშვილის სახელობის სამუსიკო სკოლის ფოიეში.

კონკურსის ტურებზე მონაწილეთა თანმიმდევრობა განისაზღვრება საორგანიზაცო კომიტეტის მიერ, კონცერტმაისტერებისა და ანბანური წყობის მიხედვით.

კონკურს-ფესტივალის ძირითადი და ტრადიციული ლოკაციებია: ზ. ფალიაშვილის სახელობის სამუსიკო სკოლა – სამუშაო სივრცედ და ბათუმის ილია ჭავჭავაძის სახელობის პროფესიული სახელმწიფო დრამატული თეატრი – საკონკურსო ტურებისათვის.

კონკურსი ტრადიციულად წარიმართება სამ ტურად (I-II ტური შესარჩევი, III – ფინალური, სიმფონიური ორკესტრის თანხლებით).

საკონკურსო განაცხადში შესატანი სავალდებულო პროგრამა მოიცავს თითო ტურისათვის 2-2 არიას (სხვადასხვა ეპოქისა და სტილის, კომპოზიტორთა ნუსხის შესაბამისად: https://rhapsodyfest.ge/programa/?lang=ge-ge)

შენიშვნა: მესამე, ფინალურ ტურში ერთი არია მეორდება წინა ტურებიდან; საორგანიზაციო ჯგუფი იტოვებს უფლებას აპლიკანტთან შეთანხმებით დააკორექტიროს მისი რეპერტუარი

კონკურსის განრიგი

6 სექტემბერი – გახსნის ცერემონია

7-8 სექტემბერი – I ტური

9 (10) სექტემბერი – II ტური

11 სექტემბერი – ფინალური ტურის რეპეტიცია ორკესტრთან

12 სექტემბერი – ფანალური ტური

კონკურსის საპრიზო ფონდი:

I პრემია – 10 000 ევრო 

II პრემია – 5 000 ევრო 

III პრემია – 3 000 ევრო